Thursday, November 19, 2026
HomeBelagaviಬಿಡಿಸಿಸಿ ಬ್ಯಾಂಕ್ ಚಿತ್ತ ಖಾನಾಪುರದತ್ತ..!

ಬಿಡಿಸಿಸಿ ಬ್ಯಾಂಕ್ ಚಿತ್ತ ಖಾನಾಪುರದತ್ತ..!

.

ಖಾನಾಪುರ: ಬೆಳಗಾವಿ ಜಿಲ್ಲಾ ಕೇಂದ್ರ ಸಹಕಾರಿ (ಡಿಸಿಸಿ) ಬ್ಯಾಂಕ್‌ ಚುನಾವಣಾ ಕಣದಲ್ಲಿ ಖಾನಾಪುರ ವಿಧಾನಸಭಾ ಕ್ಷೇತ್ರದ ಜನಪ್ರಿಯ ಶಾಸಕರಾದ ವಿಠ್ಠಲ ಹಲಗೇಕರ ಅವರ ಹೆಸರೇ ಅಂತಿಮ.

ಈ ಮಾಹಿತಿಯನ್ನು ಸರ್ವ ಪಕ್ಷಗಳ ಪ್ರತಿನಿಧಿಗಳಿಂದ ರಚಿಸಲಾದ ಆಯ್ಕೆ ಸಮಿತಿಯ ಅಧ್ಯಕ್ಷ ಯಶವಂತ ಬಿರ್ಜೆ ಅವರು ಗುರುವಾರ (ಆಗಸ್ಟ್ 28) ಖಾನಾಪುರದ ಶಾಂತಿನಿಕೇತನ ಶಾಲೆಯಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಪ್ರಕಟಿಸಿದರು.

ಈ ಸಂದರ್ಭದಲ್ಲಿ ಶಾಸಕ ವಿಠ್ಠಲ ಹಲಗೇಕರ, ಗರ್ಲಗುಂಜಿ ಪಿಕೆಪಿಎಸ್ ಅಧ್ಯಕ್ಷ ರಾಜು ಸಿದ್ಧಾಣಿ, ಸಮಾಜ ಸೇವಕ ಇರ್ಫಾನ್ ತಾಳಿಕೋಟಿ, ಶಿವಸೇನೆಯ ನಾಯಕ ಪಿ.ಕೆ. ಪಾಟೀಲ, ಪಿಕೆಪಿಎಸ್ ಅಧ್ಯಕ್ಷ ಲಕ್ಷ್ಮಣ ಕಸರಲೆಕರ, ಮಹಾದೇವ ಘಾಡಿ, ಭರ್ಮಾಣಿ ಪಾಟೀಲ, ಲೈಲಾ ಶುಗರ್ ಎಂ.ಡಿ. ಸದಾನಂದ ಪಾಟೀಲ, ಇಟಗಿ ಪಿಕೆಪಿಎಸ್ ಅಧ್ಯಕ್ಷ ಶ್ರೀಶೈಲ ತುರಮುರಿ ಸೇರಿದಂತೆ ಅನೇಕ ಗಣ್ಯರು ಉಪಸ್ಥಿತರಿದ್ದರು.

ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಯಶವಂತ ಬಿರ್ಜೆ ಅವರು, “ಡಿಸಿಸಿ ಬ್ಯಾಂಕ್ ಚುನಾವಣೆಗೆ ಅಭ್ಯರ್ಥಿ ಆಯ್ಕೆ ಮಾಡುವ ಸಲುವಾಗಿ ಸಮಿತಿ ರಚಿಸಲಾಗಿತ್ತು. ಈ ಸಮಿತಿಗೆ ವಿಧಾನ ಪರಿಷತ್ ಸದಸ್ಯ ಚನ್ನರಾಜ ಹಟ್ಟಿಹೋಳಿ, ಶಾಸಕ ವಿಠ್ಠಲ ಹಲಗೇಕರ ಹಾಗೂ ಸಮಾಜ ಸೇವಕ ರಾಜೀವ ಸಿದ್ಧಾಣಿ ಇವರ ಹೆಸರುಗಳು ಬಂದಿದ್ದವು. ಆದರೆ ಆಗಸ್ಟ್ 27 ರಂದು ಜಿಲ್ಲಾ ಉಸ್ತುವಾರಿ ಸಚಿವ ಸತೀಶ ಜಾರಕಿಹೋಳಿ ಅವರ ಮೂಲಕ ಚನ್ನರಾಜ ಹಟ್ಟಿಹೋಳಿ ಸ್ಪರ್ಧೆಯಿಂದ ಹಿಂದೆ ಸರಿದಿರುವ ಮಾಹಿತಿ ಲಭಿಸಿತು. ಹೀಗಾಗಿ ಉಳಿದ ಉಮೇದುವಾರು ಶಾಸಕ ಹಲಗೇಕರ ಮತ್ತು ಸಿದ್ಧಾಣಿ ಇವರ ಬಗ್ಗೆ ನಡೆದ ಚರ್ಚೆಯ ನಂತರ ಜನಪ್ರಿಯ ಶಾಸಕ ಹಲಗೇಕರರ ಹೆಸರನ್ನು ಅಧಿಕೃತವಾಗಿ ಘೋಷಿಸಲಾಗಿದೆ,” ಎಂದು ಹೇಳಿದರು.

ಅವರು ಮುಂದುವರೆದು, “ಈ ಚುನಾವಣೆಯಲ್ಲಿ ಒಟ್ಟು 55 ಪಿಕೆಪಿಎಸ್ ಸಹಕಾರ ಸಂಘಗಳು ಮತದಾನಕ್ಕೆ ಅರ್ಹವಾಗಿದ್ದು, ಬಹುಮತ ಪಡೆಯಲು ಕನಿಷ್ಠ 28 ಸಂಘಗಳ ಬೆಂಬಲ ಅಗತ್ಯವಿದೆ. ಪ್ರಸ್ತುತ ನಮ್ಮ ಬಳಿ 35 ಸಂಘಗಳ ಬೆಂಬಲವಿರುವುದರಿಂದ ನಮ್ಮ ವಿಜಯ ಖಚಿತ,” ಎಂದು ಬಿರ್ಜೆ ಸ್ಪಷ್ಟಪಡಿಸಿದ್ದಾರೆ.

 

 

Total Views 99
RELATED ARTICLES

Most Popular

Recent Comments

KNN City News
Home
E-Paper