Monday, November 23, 2026

ರಾಜ್ಯಮಟ್ಟಕ್ಕೆ ತಳಕಲ್ಲ ಪಿಯುಸಿ ಅಕ್ಷತಾ ಆಯ್ಕೆ ಸಂಸ್ಥೆಯ ಹೆಮ್ಮೆ – ಶರಣಯ್ಯ ಇಟಗಿ. ಕನ್ನಡಮ್ಮ ಸುದ್ದಿ ಕುಕನೂರ :ಗ್ರಾಮೀಣ ಪ್ರದೇಶಗಳಲ್ಲಿ ಅಕ್ಷತಾ ಭೀಮಪ್ಪ ಗೊಲ್ಲರ ಅಂತಹ ವಿದ್ಯಾರ್ಥಿಗಳು ಹಲವಾರು ಸಂಖ್ಯೆಯಲ್ಲಿ ಇದ್ದರೆ. ಅವರಿಗೆ ಉಪನ್ಯಾಸಕರು ಸಕಾಲದಲ್ಲಿ ಸರಿಯಾದ ಮಾರ್ಗದರ್ಶನ ನೀಡಿಬೇಕು ಮತ್ತು ವಿದ್ಯಾರ್ಥಿಗಳ ಉಪನ್ಯಾಸಕರ ಜ್ಞಾನವನ್ನು ಸದ್ಬಳಕೆ ಮಾಡಿಕೊಂಡು ತಮ್ಮ ಭವಿಷ್ಯವನ್ನು ರೂಪಿಸಿಕೊಂಡು ಮೇಲ್ಮಟ್ಟಕ್ಕೆರಬೇಕೆಂದು ಅಂತರರಾಷ್ಟ್ರೀಯ ಜಾನಪಕಲಾವಿದ ಗೊರ್ಲೆಕೊಪ್ಪದ ಶರಣಯ್ಯ ನೂರಂದಯ್ಯ ಇಟಗಿ ಹೇಳಿದರು.

ಕರ್ನಾಟಕ ರಾಜ್ಯಸಹಕಾರ ಮಹಾಮಂಡಳ ನಿ., ಕೊಪ್ಪಳಜಿಲ್ಲಾ ಸಹಕಾರ ಯೂನಿಯನ್ ನಿ., ಸಹಕಾರ ಇಲಾಖೆ ಕೊಪ್ಪಳ ಹಾಗೂ ಬಾಲಕಿಯರ ಸರಕಾರಿ ಪದವಿಪೂರ್ವ ಕಾಲೇಜಿನ ಪ್ರೌಢಶಾಲಾ ವಿಭಾಗ ಕೊಪ್ಪಳ ಇವುಗಳ ಸಹಯೋಗದಲ್ಲಿ ನಡೆದ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿಗಳಿಗಾಗಿ ಏರ್ಪಡಿಸಿದ್ದ ಚರ್ಚಾಸ್ಪರ್ಧೆಯ “ಯುವನಾಯಕತ್ವದಿಂದ ಮಾತ್ರವೇ ಸಹಕಾರಿ ವ್ಯವಸ್ಥೆ ಬಲಾಢ್ಯಗೊಳ್ಳಬಲ್ಲದು” ಎನ್ನುವ ವಿಷಯದ ಪರವಾಗಿ ವಿಷಯವನ್ನು ಮಂಡಿಸಿದ ಅಕ್ಷತಾ ಕೊಪ್ಪಳಜಿಲ್ಲೆಗೆ ಪ್ರಥಮಸ್ಥಾನ ಪಡೆದಿದ್ದಳು. ಈ ವಿದ್ಯಾರ್ಥಿನಿಗೆ ತಳಕಲ್ಲ ಸರಕಾರಿ ಪದವಿ ಪೂರ್ವ ಕಾಲೇಜಿನ ಸಾಂಸ್ಕೃತಿಕ ವೇದಿಕೆಯಿಂದ ಹಮ್ಮಿಕೊಂಡಿದ್ದ ಅಭಿನಂದನಾ ಕಾರ್ಯಕ್ರಮದ ಮುಖ್ಯಅತಿಥಿಗಳಾಗಿ ಅಭಿನಂದನಾ ನುಡಿಗಳನ್ನಾಡಿದರು.

ಕಾಲೇಜಿನ ಪ್ರಾಂಶುಪಾಲ ಡಾ ಫಕೀರಪ್ಪ ವಜ್ರಬಂಡಿ ಅವರು ಕಾರ್ಯಕ್ರಮದ ಅಧ್ಯಕ್ಷತೆವಹಿಸಿ ಮಾತನಾಡುತ್ತಾ, ಸರಕಾರಿ ಶಾಲಾ ಕಾಲೇಜುಗಳಲ್ಲಿಯೂ ಪ್ರತಿಭಾವಂತ ಮಕ್ಕಳು ಪ್ರವೇಶಪಡೆದಿರುತ್ತಾರೆ. ಅವರು ಆರ್ಥಿಕವಾಗಿ ಬಡವರಾಗಿರಬಹುದು ಆದರೆ ಜ್ಞಾನ ಮತ್ತು ಸಂಸ್ಕೃತಿಗಳಿಂದ ಶ್ರೀಮಂತರು. ಎಲ್ಲಾ ವಿದ್ಯಾರ್ಥಿಗಳು ಕೀಳರಿಮೆಯಿಂದ ಹೊರಬರಲು ತಿಳಿಹೇಳಿದರು. ಬೌದ್ಧಿಕ ಸಂಪತ್ತು ಭೌದ್ಧಿಕ ಸಂಪತ್ತಿಗಿಂತ ಶ್ರೇಷ್ಠ ಹಾಗೂ ಶಾಶ್ವತವಾದದ್ದು. ಅಂತಹ ಸಂಪತ್ತಿನ ಜೊತೆಗೆ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಕರೆನಿಡಿದರು.

ಪ್ರಾರಂಭದಲ್ಲಿ ಶ್ರೀಮತಿ ಫಾತಿಮಾ ಮುಯೀಝ ಸ್ವಾಗತಿಸಿದರು. ಸಾಂಸ್ಕೃತಿಕ ವೇದಿಕೆಯ ಸಂಚಾಲಕರಾದ ಶ್ರೀಮತಿ ಶಿವಲೀಲಾ ಹಿರೇಮಠ ಕಾರ್ಯಕ್ರಮ ಸಂಯೋಜನೆ ಮಾಡಿ ನಿರೂಪಿಸಿದರು. ಉಪನ್ಯಾಸಕರಾದ ಮುನಾಫ್ ಪಾಷ, ಮಂಜುನಾಥ ತಟ್ಟಿ, ಈರಣ್ಣ ಹುರಕಡ್ಲಿ ಹಾಗೂ ಅಪಾರ ವಿದ್ಯಾರ್ಥಿಗಳು ಹಾಜರಿದ್ದು ಸಂತೋಷ ವ್ಯಕ್ತಪಡಿಸಿದರು.

Total Views 82
RELATED ARTICLES

Most Popular

Recent Comments

KNN City News
Home
E-Paper